एजेन्सी । पाकिस्तानी टेष्ट क्रिकेट टिमका कप्तान अजहर अलीले इंग्ल्यान्डलाई हराउने क्षमता आफ्नो टिममा भएको बताएका छन् ।
इंग्ल्यान्ड भ्रमणमा निस्कनु अघि पत्रकार सम्मेलनमा बोल्दै कप्तान अलीले आफ्नो टोलीले इंग्ल्यान्डलाई हराउने बताएका हुन् ।
घरेलु टिमसँग टेष्ट र टी-ट्वान्टी सिरिज खेल्नका लागि पाकिस्तानी टिम आइतबार नै इंग्ल्यान्ड पुगिसकेका छन् ।
'यदी हाम्रो ब्याटिङले ३ सय र त्यसभन्दा बढी रन पुरा गर्दा भने हामीले इंग्ल्यान्डलाई हराउने सम्भावना छ,' अलीले भने, 'यो भ्रमणमा कडा पुनरागमन गर्नेछौँ । राम्रो गर्ने छौँ ।'
अलीको कप्तानीमा २० सदस्सीय टिम इंग्ल्यान्ड गएका हुन् । पाकिस्तानी टोली १४ दिनको आईसोलेसनमा रहने छन् ।
पाकिस्तानले इंग्ल्यान्डसँग ३ खेलको टेष्ट र टी-ट्वान्टी सिरिज खेल्नेछ । खेल बन्द स्टेडियममा हुनेछ ।
दुई टोलीबीचको सिरिज जुलाई ३० मा सुरु हुनेछ । टी-ट्वान्टी सिरिज अगष्ट २९ देखि २ सेप्टेम्बरसम्म हुनेछ ।
यस्तै कप्तान अलीले पाकिस्तानी टोलीलाई समर्थक बिना खेल्ने बानी रहेको कारण इंग्ल्यान्डमा समस्या नहुने बताए ।
-1736475046.jpg)
