एजेन्सी । बंगलादेश क्रिकेट टिमको श्रीलंका भ्रमण स्थगित भएको छ ।
कोरोना भाईरसको महामारीको कारण बंगलादेशले श्रीलंका भ्रमण स्थगित गरेको हो ।
बंगलादेश क्रिकेट बोर्डले भ्रमण स्थगितका लागि श्रीलंका क्रिकेट बोर्डलाई पत्राचार गरेको समेत जनाएको छ ।
बंगलादेशले श्रीलंकासँग जुलाई अन्तिमबाट अगष्टसम्म तीन खेलको टेष्ट सिरिज खेल्ने तालिका रहेको थियो ।
यस सँगै बंगलादेशले मार्चपछि पाँच सिरिज स्थगित गरिसकेको छ ।
मंगलबार मात्र न्युजिल्याण्डले बंगलादेश भ्रमण स्थगित गरेको थियो ।
हालै पूर्व कप्तान मश्राफी मोर्टजासहित ३ बंगलादेशी खेलाडीलाई कोरोनाको संक्रमण देखिएको थियो ।
-1736475046.jpg)
