काठमाडौं । वेष्ट इण्डिजको क्रिकेट लिग क्यारेबियन प्रिमियर लिग (सीपीएल) टी-ट्वान्टी क्रिकेटको ड्राफ्ट आज (बुधबार) आयोजना हुँदैछ ।
सन् २०२० को सिजनको लागि सीपीएलले बुधबार भर्चुअल ड्राफ्टको आयोजना गर्न लागेको हो । यस पटकको ड्राफ्टमा ५ सय ३७ खेलाडीले सहभागिता जनाएका छन् ।
नेपालबाट लेग स्पिनर सन्दीप लामिछाने ड्राफ्टमा रहेका छन् । सन्दीप तेस्रो पटक ड्राफ्टमा परेका हुन् ।
सन्दीपले ड्राफ्टमा आफ्नो नाम ९० हजार अमेरिकी डलरको (१ करोड ८ लाख नेपाली रुपैयाँ) सूचीमा राखेका छन् ।
सन्दीपले यस अघि सेन्ट किट्स एन्ड नाभिस प्याट्रियट्स र बार्बाडोस ट्राइडेन्ट्सबाट खेलेका थिए ।
पहिलो सिजन सन्दीपले ७ विकेट लिएका थिए । यस्तै दोस्रो सिजन सन्दीपले ८ विकेट लिएका थिए ।
कोरोना भाईरसको महामारीको कारण यस सिजनको सीपीएलको मिति तय भएको छैन ।
तर, आगामी अगष्ट १८ देखि सेप्टेम्बर १० सम्म ट्रीनिडाड एन्ड टोबेगोमा बन्द रंगशालामा प्रतियोगिता गर्ने प्रस्ताव गरिएको छ ।
-1736475046.jpg)
