सिजन नसकिदै 'ट्रान्सफर विन्डो' खुल्ने

एजेन्सी । विश्व फुटबलको सर्वोच्च निकाय फिफाले खेलाडी सरुवाको नियम परिवर्तन गरेको छ ।

फिफाले यस सिजन सकिन नपाउँदै (ट्रान्सफर विन्डो) खेलाडी सरुवा बजार खुल्ने घोषणा गरेको हो ।

विश्वभर महामारीको रुपमा फैलिएको कोरोना भाईरसका कारण अबरुद्ध बनेको युरोपको फुटबल सिजनलाई ध्यानमा राखेर फिफाले नयाँ नियम सार्वजनीक गरेको हो ।

जर्मन बुन्डेसलिगा मेबाट सुरु भएपछि युरोपमा फुटबल गतिविधि बढ्न थालेको छ । तर हजारौ खेलाडीको क्लबसंगको सम्झौता जुनमा सकिदैछ ।

प्रिमियर लिगका प्रमुख कार्यकारी अधिकृत (सिईयो) रिचर्ड मास्टर्सले ईङ्ल्याण्डका शीर्ष क्लबले जुलाई २५ अगाडी खेलाडी अनुबन्धन गर्न नमिल्ने बताएका थिए । उनले सिजन ढिलो सकिने भएका कारण अगाडीनै खेलाडीसंग हस्ताक्षर गर्न नमिल्ने बताएका थिए ।

युरोपका अधिकाश लिगले सोही योजना बनाएका छन् । तर फिफाको नयाँ नियमले खेलाडीलाई सिजन सकिनु अगाडीनै अनुबन्धन गर्न अनुमती मिलेको छ ।

फिफाले खेलाडीलाई एक सिजनमा फरक तीन क्लबबाट खेल्ने नयाँ नियम समेत सार्वजनीक गरेकाे छ ।

प्रिमियर लिग फुटबल जुन १७ बाट सुरु हुदैछ । क्लबले अझै ९ चरणका खेल खेल्न बाँकी छ । क्लबहरुले लिगसंगै एफए कप, च्याम्पियन्स लिग र युरोपा लिग खेल्न बाँकी रहेको छ ।