एजेन्सी ।अजरबैजानमा आयोजना हुने फर्मुला वानको प्रतियोगिता अजरबैजान ग्राण्ड प्रिक्स स्थगित भएको छ ।
विश्वमा फैलिएको कोरोना भाईरसको कारण आगामी जुन महिनामा तय भएको प्रतियोगिता स्थगित गरिएको आयोजकले जनाएको छ ।
बाकुमा हुने प्रतियोगिता जुन ७ मा हुने तालिका रहेको थियो । तर, चीनबाट फैलिएको कोरोनाले विश्वमा महामारीको रुप लिएपछि प्रतियोगिता स्थगित भएको हो ।
यसअघि अष्ट्रेलिया, बहराइन, भियतनाम, नेदरल्यान्ड्स, स्पेन, फ्रान्स र चीनको प्रतियोगिता स्थगित भईसकेको छ ।
-1736475046.jpg)
