काठमाडौं । नेपाल ओलम्पिक कमिटि (एनओसी) ले कोरोना भाईरस र यसको रोकथामबारे सचेतना कार्यक्रमको आयोजना गरेको छ ।
एनओसीले शुक्रबार ओलम्पिक कमिटिको भवनमा सचेतना कार्यक्रमको आयोजना गरेको हो ।
कार्यक्रममा टोकियो ओलम्पिकका लागि वाइल्ड कार्ड प्राप्त खेलाडीसहित २२ जनाको सहभागिता रहेको थियो ।
सहभागीलाई डा बाबुराम मरासिनी, डा सरोज कृष्ण श्रेष्ठले कोरोना भाईरस र यसको रोकथामबारे जानकारी गराएका थिए ।
यस्तै कार्यक्रममा कोरोनाको कारण खेलाडीको प्रशिक्षणमा प्रत्यक्ष असर परेको कारण खेलाडीको स्वास्थ्यलाई मध्यनजर गरेर डाक्टर प्यानलको गठन समेत गरिएको छ ।
डाक्टर प्यानलमा डा सरोज कृष्ण श्रेष्ठ, डा नबेश मान सिंह प्रधान, डा राजु डंगोल, डा हेमन्त चन्द र डा पुनम पाठक रहेका छन् ।
सचेतना कार्यक्रममा एनओसीका अध्यक्ष जीवन राम श्रेष्ठ, उपाध्यक्ष चतुरानन्द राज बैद्य, महासचिब निलेन्द्र राज श्रेष्ठ लगायतको उपस्थिति रहेको थियो ।
