'सिप्यान क्रिकेट अवार्ड' स्थगित

काठमाडौँ । नेपाल क्रिकेट खेलाडी संघ (सिप्यान) ले आयोजना गर्ने अवार्ड कार्यक्रम ’सिप्यान क्रिकेट अवार्ड’ अनिश्चित समयका लागि स्थगित भएको छ ।

विश्वब्यापी रुपमा फैलिएको कोरोना भाइरसको त्रासको कारण अवार्ड कार्यक्रम स्थगित गरिएको हाे ।

आयोजकले आईतबार एक विज्ञप्ति जारी गर्दै कार्यक्रम अनिश्चित समयका लागि स्थगित गरिएको जनाएको छ ।

यसअघि, दोस्रो संस्करणको सिप्यान क्रिकेट अवार्ड चैत २१ गते हुने तय भएको थियो ।

आयोजक सिप्यानले अवार्डका लागि अवस्था अनुकुल नभएको कारण देखाउँदै अर्को सूचना जारी नहुँदासम्मका लागि कार्यक्रम स्थगित गरेको जनाएको छ ।

अवार्डमा वर्ष खेलाडी महिला र पुरुष, वर्ष उदीयमान खेलाडी, वर्ष उत्कृष्ट क्षण र लाईफटाइम अचिभमेन्ट अवार्ड रहेको छ ।

वर्षभरी नेपाली खेलाडीले गरेको प्रदर्शनका आधारमा प्रदान गर्ने वर्ष खेलाडी महिला र पुरुषले समान १ लाख ३२ हजार रुपैयाँ पुरस्कार पाउनेछन् । अन्य विधाका विजेताले समान ६६ हजार रुपैयाँ पाउने गरेका छन् ।