काठमाडौं । मलेसियाले एसीसी इस्टर्न रिजन पुरुष टी-ट्वान्टी कप क्रिकेटमा लगातार दोस्रो जित हात पारेको छ ।
बैंककमा आइतबार भएको खेलमा आयोजक थाइल्याण्डलाई ८ विकेटले पराजित गर्दै मलेसियाले लगातार दोस्रो जित निकालेको हो । यसअघि पहिलो खेलमा मलेसियाले नेपाललाई २२ रनले हराएको थियो ।
टेर्डथाई क्रिकेट मैदानमा थाइल्याण्डले दिएको ८६ रनको लक्ष्य मलेसियाले ११ ओभर ५ बलमा मात्र २ विकेट गुमाएर पुरा गर्यो ।
मलेसियाको लागि भिरनदिप सिंहले अविजित ४१ रन जोड्दा अमिनुदिन रामलेले अविजित १६ रन बनाए । यस्तै अनवर अरुदीनले २२ रन जोडे ।
यस अघि टस जितेर पहिले ब्याटिङ गरेको थाइल्याण्डले २० ओभरमा ९ विकेट गुमाएर ८५ रन बनाएको थियो । उसका हेन्नो जोर्डनले ३७ रन जोड्दा रोबर्ट रैनाले २० रन बनाए ।
मलेसियाका पवनदिप सिंह, इद्रुस र खिजार हायातले २/२ विकेट लिए ।
जितसँगै मलेसियाले २ खेलमा ४ अंक जोडेको छ । मलेसिया शीर्ष स्थानमा रहेको छ ।
थाइल्याण्डको भने यो लगातार दोस्रो हार हो ।
