काठमाडौं । नेपाली राष्ट्रिय क्रिकेट टिमका पूर्व कप्तान पारस खड्का महिन्द्रा एन्ड महिन्द्राको नेपालका लागि आधिकारिक बिक्रेता अग्नि ग्रुपको ब्राण्ड एम्बासडर नियुक्त भएका छन् ।
अग्नि ग्रुपले बुधबार पारसलाई दुई वर्षको लागि ब्राण्ड एम्बासडर नियुक्त गरेको हो । अग्नि ग्रुपका कार्यकारी निर्देशक अर्जुनप्रसाद शर्मा र पारसले सम्झौता पत्रमा हस्ताक्षर गरे ।
अग्निले ब्राण्ड एम्बासडर घोषणा गरेसँगै पारसलाई ग्लोबल एनसीएपीको पहिलो ‘सेफर च्वाइस’ अवार्ड विजेता गाडी एक्सयूभी ३०० समेत प्रदान गरेको छ ।
ब्राण्ड एम्बासडर बनेसँगै अलराउन्डर पारसले कम्पनिसँगको सहकार्य लामो समयबाट रहदै आएको र कम्पनिसँग जोडिन पाउन खुसी लागेको बताए ।
‘अग्नि ग्रुपसँग मेरो सदैव असल सम्बन्ध रहेको छ, म यो ग्रुपको डिस्ट्रिब्युटरसीप रहेको मोटरसाइकलको यसअघि नै ब्राण्ड प्रवर्दक रहिसकेको छु,’ पारसले भने, 'लामो समयदेखि मेरो अग्नि ग्रुपसँग सुमधुर सम्बन्ध रहँदै आएको छ । हामीले आफ्नो सम्बन्धमा पूर्णव्यवासयिक र व्यक्तिगत सन्तुलन कायम राख्दै आएका छौं । यो सहकार्यबाट म निकै हर्षित छु, ।’
यस्तै पारसले महिन्द्रा एक्सयूभी ३०० का लागि अग्नि ग्रुपप्रति आभार व्यक्त गरे । उनले आफ्नो पेशागत कारणले एसयूभी गाडी सदैव प्राथमितकताको सूचीमा पर्ने समेत बताए ।
यस अघि अग्नि ग्रुपले पूर्व मिस नेपाल शृङ्खला खतिवडालाई तीन वर्षको लागि ब्राण्ड एम्बासडर नियुक्त गरेको थियो ।
कार्यक्रममा अग्नि ग्रुपका कम्पनी वरिष्ठ निर्देशक तथा सचिव दुर्गाप्रसाद आचार्य र उप निर्देशकबरदान बस्नेत लगायत पूर्व मिस नेपाल शृङ्खला खतिवडा उपस्थित रहेको थियो ।
-1735220291.jpg)
