एजेन्सी । नेपाली लेग स्पिनर सन्दीप लामिछाने रहेको मेलबर्न स्टार्सलाई बिग बास लिग (बीबीएल) क्रिकेटमा एडिलेड स्ट्राइकर्सले जितेको लागि १ सय ६३ रनको लक्ष्य प्रस्तुत गरेको छ ।
एडिलेडमा पहिले ब्याटिङ गरेको घरेलु टोलीले २० ओभरमा ४ विकेट गुमाएर १ सय ६२ रन बनायो ।
एडिलेडका लागि जोनाथन वेल्सले अविजित रहदै ५५ रनको अर्धशतकीय इनिङ्स खेले । यस्तै एलेक्स केरीले ३३ रन जोड्दा फिल साल्टले २२ रन बनाए ।
म्याथ्यु शर्ट २३ रनमा अविजित रहे ।
मेलबर्नका क्लिन्ट हिन्चिल्फीले ३ विकेट लिए । ग्लेन म्याक्सवेलले १ विकेट लिए ।
सन्दीप विकेट विहीन बने । सन्दीपले ३ ओभरमा २४ रन खर्चिएर विकेट लिन सकेनन् । यस सिजन सन्दीपले अघिल्ला ११ खेलमा १४ विकेट हात पारेका थिए ।
एडिलेडविरुद्ध मैदान उत्रदा मेलबर्न ११ औं जितको खोजीमा रहेको छ ।
मेलबर्न १२ खेलमा १० जितसहित २० अंक जोडेर शीर्ष स्थानमा रहेको छ । एडिलेडविरुद्ध जित निकाल्दै मेलबर्न उक्त जितको लय कायम राख्न चाहन्छ ।
एडिलेड ११ खेलमा ६ जितसहित १३ अंक जोडेर लिगको तेस्रो स्थानमा रहेको छ ।
-1734966939.jpeg)
