धनगढी । पहिलो सुदूरपश्चिम स्पोर्ट्स अवार्डसँग धनगढीको नवजीवन हस्पिटल जोडिएको छ ।
नेपाल खेलकद पत्रकार मञ्च कैलालीले पुस १५ गते आयोजना गर्ने स्पोर्ट्स अवार्डमा नवजीवन हस्पिटल सह प्रायोजकको रुपमा जोडिएको हो ।
नवजीवन हस्पिटलका मेडिकल डाईरेक्टर डाक्टर विदुरमणी ढकाल र नेपाल खेलकुद पत्रकार मञ्च कैलालीका सल्लाहकार भरत शाहले सम्झौता पत्रमा हस्ताक्षर गरेका छन् । सम्झौतासँगै नवजीवन हस्पिटललाई व्रटुयु वाई भनेर अवार्डमा स्थान दिईनेछ ।
पुस १५ गते आयोजना हुने अवार्ड कार्यक्रममा विभिन्न ६ वटा विधामा अवार्ड प्रदान गरिने छ ।
अवार्ड कार्यक्रममा वर्ष पुरुष खेलाडी, वर्ष महिला खेलाडी, वर्ष युवा खेलाडी, वर्ष प्रशिक्षक, स्पेशल अवार्ड र लाईफ टाईम एचिभमेन्ट अवार्ड प्रदान गरिने छ ।
चार वटा विधाका विजेतालाई नगद २५ हजार सहित ट्रफी र मेडल प्रदान गरिनेछ भने स्पेशल अवार्ड र लाईफ टाईम एचिभमेन्ट अवार्ड पाउनेलाई नगद १० हजार सहित ट्रफी र मेडल प्रदान गरिने छ ।
-1736344782.jpeg)
