धनगढी । पहिलो सुदूरपश्चिम स्पोर्टस अवार्डलाई धनगढीको ड्रिम ग्रुप अफ म्यानेजमेन्टले प्रायोजन गरेको छ ।
यहिँ पुस १५ गते आयोजना गर्ने अवार्डलाई ड्रिम ग्रुप अफ म्यानेजमेन्टले हस्पिटालिटी पाटर्नरको रुपमा प्रायोजन गरेको हो ।
नेपाल खेलकद पत्रकार मञ्च कैलालीका उपाध्यक्ष श्रवण देउवाले मंगलबार ड्रिम ग्रुप अफ म्यानेजमेन्टका कार्यकारी अधिकृत देवेन्द्र हमालसँग सम्झौता पत्रमा हस्ताक्षर गरेका छन् ।
संझौतासँगै विभिन्न ६ वटा विधा दिईने स्पोर्टस अवार्डमा ड्रिम ग्रुप अफ म्यानेजमेन्ट हस्पिटालिटी पाटर्नर हुने भएको छ ।
अवार्ड विभिन्न ६ विधामा दिईनेछ । बर्ष पुरुष खेलाडी, बर्ष महिला खेलाडी, बर्ष युवा खेलाडी, बर्ष प्रशिक्षक, स्पेशल अवार्ड र लाईफ टाईम एचिभमेन्ट अवार्ड प्रदान गरिने छ । चार वटा विधामा तीन÷तीन जनाको मनोनयन सार्वजनिक गरिनेछ भने स्पेशल अवार्ड र लाईफ टाईम एचिभमेन्ट अवार्डको घोषणा कार्यक्रम आयोजना हुने दिनमा नै गरिनेछ ।
-1736344782.jpeg)
