नेपाल सेमिफाइनलमा पराजित

काठमाडौं । नेपाल पहिलो संस्करणको दक्षिण एसियाली यु–१६ नेटबल च्याम्पियनसिपको सेमिफाइनलमा श्रीलंकासँग पराजित भएको छ ।

लगनखेलस्थित सैनिक शारीरिक तथा तालिम केन्द्रमा आइतबार भएको पहिलो सेमिफाइनलमा नेपाल श्रीलंकासँग ५२–१५ ले पराजित भएको हो । श्रीलंकालाई जित दिलाउन हिरुनीले २९ अंक जोडेकी थिईन् ।

नेपाललाई हराएसँगै श्रीलंका फाइनलमा पुगेको छ । अब श्रीलंकाले मंगलबार हुने फाइनलमा भारतको सामना गर्नेछ ।

आइतबार नै भएको दोस्रो सेमिफाइनलमा भारतले माल्दिभ्सलाई ४६–२५ ले पराजित गरेको थियो । भारतको लागि अन्जली कुमारीले ३५ अंक जोडिन् ।

अब नेपालले तेस्रो स्थानका लागि माल्दिभ्ससँग खेल्नेछ ।