एजेन्सी । पुर्व विश्व नम्बर एक स्विस खेलाडी रोजर फेडेरर मर्सिडिज कप टेनिसको अन्तिमा आठमा प्रवेश गरेका छन् । दोस्रो चरणको खेलमा बुधबार जर्मनीका मिशा जेभरेवलाई हराउदै फेडेररले अन्तिम आठको यात्रा टी गरेका हुन् ।
दोस्रो वरियताका फेडेररले जेभरेवलाई ३ – ६, ६ – ४ र ६ – २ ले हराए । झन्डै साढे दुई महिना टेनिस कोर्टबाहिर रहेका फेडेररले पहिलो सेट गुमाएपनि खेलमा पुनरागमन गर्दै जित निकालेका हुन् । ३६ बर्षीय फेडेररले अब अर्जेन्टिनाका गुईडो पल्ला र भारतका प्रज्नेशबीचको विजेतासँग खेल्ने छन् ।
२० पटकको ग्राण्डस्लाम विजेता फेडेरर गत मार्चपछि पहिलोपटक कोर्टमा फर्किएका हुन् । मर्सिडिजको पहिलो चरणमा बाई पाएका फेडेररले गत मार्चबाट खेलेका थिएनन् । फेडेररले पछिल्लो खेल मियामी ओपन खेलेका थिए ।
