सेरेना र केर्बर विम्बल्डन टेनिसको सेमिफाइनलमा

एजेन्सी । पुर्व विश्व नम्बर एक अमेरिकी खेलाडी सेरेना विलियम्स विम्बल्डन टेनिसको सेमिफाइनलमा प्रवेश गरेकी छिन् । मंगलबार राति भएको क्वाटरफाइनलमा इटालियन कामीला गिओर्गीलाई हराउदै सेरेनाले अन्तिम चारको यात्रा तय गरेकी हुन् ।

सेन्टर कोर्टमा भएको खेलमा सेरेनाले पहिलो सेट गुमाएपनि उत्कृष्ट पुनरागमन गर्दै गिओर्गीलाई हराएकी थिइन् ।  २३ पटकको ग्रान्डस्लाम बिजेता सेरेनाले गिओर्गीलाई ३-६, ६-३ र ६-४ को सेटमा पराजित गरिन् ।

अब ३६ बर्षीय सेरेनाले सेमिफाइनलमा जर्मनीका १३ औं बरियता प्राप्त जुलिया गोर्गेससंग खेल्ने छिन् । जुलियाले रुसकी किकी  बेर्टेन्सलाई पराजित गर्दै अन्तिम चारमा सेरेनासंगको भेट पक्का गरेकी हुन् ।

महिलातर्फ नै जर्मनीका एन्जलिक केर्बरले सेमिफाइनलमा स्थान पक्का गरेकी छिन् ।  केर्बरले रुसकी डरिया कासत्किनालाई ६-३ र ७-५ ले हराएर अन्तिम चारको यात्रा तय गरेकी हुन् । केर्बरले अब डेनमार्ककी जेलेना ओस्टापेनकोसंग खेल्ने छिन् ।