एजेन्सी । पुर्व विश्व नम्बर एक अमेरिकी खेलाडी सेरेना विलियम्स विम्बल्डन टेनिसको क्वाटरफाइनलमा प्रवेश गरेकी छिन् ।
सेन्टर कोर्टमा सोमबार भएको तेस्रो चरणमा रुसकी एभ्गेनियो रोडिनालाई हराएर सेरेनाले अन्तिम आठको यात्रा तय गरेकी हुन् ।
२३ पटकको ग्रान्डस्लाम बिजेता सेरेनाले रोडिनालाई ६-२ र ६-२ को सोझो सेटमा पराजित गरिन् । अब ३६ बर्षीय सेरेनाले इटालियन कामीला गिओर्गीसंग खेल्ने छिन् ।
महिलातर्फ नै जर्मनीका एन्जलिक केर्बरले स्विजरल्याण्डकी बिलिन्डा बेनिसिचलाई हराउदै क्वाटरफाइनलको यात्रा तय गरिन् ।
सातौं बरियताकी कारोलिना प्लिस्कोभा भने प्रतियोगिताबाट बाहिरिएकी छिन् । प्लिकोभा रुसकी किकी बेर्टेन्ससंग पराजित भईन् । प्लिस्कोभा बाहिरिएसंगै विम्बल्डन शीर्ष १० बरियता प्राप्त खेलाडी बिहिन भएको छ ।
