एजेन्सी । विश्व नम्बर एक स्विस खेलाडी रोजर फेडेरर विम्बल्डन टेनिसको क्वाटरफाइनलमा प्रवेश गरेका छन् । सोमबार भएको खेलमा फ्रान्सका एड्रियन मन्नारिनोलाई हराउदै फेडेररले क्वाटरफाइनलको यात्रा तय गरेका हुन् ।
सेन्टर कोर्टमा साबिकको बिजेता समेत रहेका फेडेररले २२ औं बरियताका मन्नारिनोलाई ६-०,७-५ र ६-४ ले पराजित गरे । अब २० पटकको ग्राण्डस्लाम बिजेता ३६ बर्षीय फेडररले अब दक्षिण अफ्रिकाका केभिन एण्डरसन र फ्रान्सका गेल मोनफिल्सबीचको बिजेतासंग खेल्ने छन् ।
पुरुषतर्फ नै क्यानडाका मिलोस रावनिकले क्वाटरफाइनलमा स्थान बनाएका छन् । उनले अमेरिकाका म्याकेन्जिए म्याक डोनाल्डलाई ६-३,६-४,५-७ र ६-२ ले हराए ।
