मनाङ मर्स्याङ्दी क्लबका सुभाष सहित तीन पक्राउ

काठमाडौं । प्रहरीले जुवा ‘बेटिङ’ खेलेको आरोपमा मनाङ मर्स्याङ्दी क्लबका सुभाष गुरुङ सहित ३ जनालाई पक्राउ गरेको छ । विश्वकप फुटवल अन्तर्गत क्वार्टरफाईनलको खेलमा ‘बेटिङ’ गरेको आरोपमा प्रहरीले उनीहरुलाई पक्राउ गरेको हो ।

पक्राउ पर्नेमा सुभाष सहित मुखिया गुरुङ र मुखिया लामा रहेका छन् ।

दरबारमार्गका प्रहरी प्रमुख डीएसपी दानबहादुर मल्लले ‘बेटिङ’ गरेको प्रमाणको आधारमा उनीहरुलाई पक्राउ गरेको खेलपाटीलाई बताए । पक्राउ परेका तीनै जनालाई अहिले दरबारमार्गस्थित प्रहरी हिरासतमा राखिएको छ ।

डीएसपी मल्लले उनीहरुलाई जुवा खेलेको आरोपमा मुद्धा चलाउने तयारी भईरहेको बताएका छन् ।