सर्वाधिक छक्कामा मोर्गनको कीर्तिमान !

एजेन्सी । इंग्ल्याण्डमा कप्तान इयान मोर्गनले एकदिवसिय क्रिकेटमा कीर्तिमान बनाएका छन् ।

घरेलु मैदानमा जारी १२ औं संस्करणको आईसीसी एकदिवसीय विश्वकप क्रिकेटमा अफगानिस्तानविरुद्ध कप्तान मोर्गनले कीर्तिमान बनाएका हुन् । 

एकदिवसीय क्रिकेटको एकै इनिङ्समा १७ छक्का प्रहार गर्दै मोर्गनले कीर्तिमान बनाएका हुन् । यो एकै इनिङ्समा एकै खेलाडीले प्रहार गरेको सर्वाधिक छक्का हो ।

यसअघि भारतका रोहित शर्मा, वेष्ट इण्डिजका क्रिस गेल र दक्षिण अफ्रीकाका एबी डी भिलियर्सले १६ छक्का प्रहार गरेका थिए ।

विस्फोटक ब्याटिङ गरेको मोर्गनले ७१ बलमा १४८ रन बनाएर आउट भए ।