भारत र पाकिस्तानको खेलअघि गेलको अनौठो हर्कत !

एजेन्सी । इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेटमा आइतबार दुई चिरपरिचित प्रतिद्वन्दी भारत र पाकिस्तानले प्रतिस्पर्धा गर्दैछन् ।

यस खेललाई विश्वकपकै ठुलो खेलको रुपमा लिईएको छ । यस खेललाई सारा विश्वले नियाल्ने छन् । दुईबीचको भिडन्त धेरै क्रिकेट प्रेमीको प्रतिक्षाको खेल रहेको छ ।

भारत र पाकिस्तानबीचको खेल अघि विभिन्न किसिमको प्रचारबाजी नै हुने गर्छ । जसले दुई बीचको खेललाई थप रोमान्चक बनाउने गर्छ ।

यसै क्रममा वेष्ट इण्डिजका विस्फोटक ब्याट्सम्यान क्रिस गेलले अनौठो कार्य गरेको छ ।

भारत र पाकिस्तानबीचको खेलअघि गेलले दुवै राष्ट्रको झण्डा अंकित सुट लगाएका छन् । युनिभर्स बोसको नाममा परिचित गेलले भारत र पाकिस्तानको झण्डा अंकित सुट लगाएर खिचाएको तस्बिर अहिले भाइरल भएको छ ।

गेलले लगाएर तस्बिर खिचाएको कोटको दाँयातर्फ भारत र बाँयातर्फ पाकिस्तानको झण्डाको प्रयोग गरिएको छ ।

गेलले भारत र पाकिस्तानको झण्डा अंकित सुट लगाएर आईसीसीसँग कुरा गर्दै गेलले शान्ति र प्रेमको लागि यस कार्य गरेको बताएका छन् ।