एजेन्सी । इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेटमा अफगानिस्तानले न्युजिल्याण्डलाई जितका लागि १७३ रनको सामान्य लक्ष्य दिएको छ ।
टाउनटनमा टस हारेर पहिले ब्याटिङ गरेको अफगानिस्तानले ४१ ओभर १ बलमा अलआउट हुँदै १७२ रन बनायो ।
अफगानिस्तानका लागि हास्मतउल्लाह साहिदीले सर्वाधिक ५९ रनको अर्धशतकीय इनिङ्स खेले । यस्तै हज्रतउल्लाह जजाईले ३४ तथा नुर अली जड्रानले ३१ रन बनाए ।
न्युजिल्याण्डका जेम्स निशमले ५ विकेट लिए । यस्तै लोकी फेर्गुसनले ४ विकेट लिए ।
आज न्युजिल्याण्ड लगातार तेस्रो जितेको खोजीमा रहेको छ । अफगानिस्तान पहिलो जितको खोजीमा छ ।
