एजेन्सी । इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेटमा आज (शुक्रबार) एक खेल हुँदैछ ।
ब्रिस्टोलमा शुक्रबार हुने एक मात्र खेलमा दुई एसियाली राष्ट्र पाकिस्तान र श्रीलंकाबीच प्रतिस्पर्धा हुँदैछ । दुई टोलीबीचको खेल नेपाली समय अनुसार दिउँसो ३:१५ मा सुरु हुनेछ।
काउन्टी ग्राउण्डमा श्रीलंका र पाकिस्तान दोस्रो जितको खोजीमा हुने छन् । दुवैले अघिल्ला २ खेलमा एक जित र एक हार व्यहोरेका छन् ।
श्रीलंका पहिलो खेलमा न्युजिल्याण्डसंग पराजित भएको थियो भने दोस्रो खेलमा अफगानिस्तानलाई हराएको थियो । तेस्रो खेलमा भने श्रीलंका बलियो टिम पाकिस्तानलाई हराउन चाहन्छ ।
पहिलो खेलमा वेष्ट इण्डिजसंग पराजित पाकिस्तानले दोस्रो खेलमा इंग्ल्याण्डलाई हराएको थियो ।
इंग्ल्याण्डमाथिको जितले हौसिएको पाकिस्तान श्रीलंकालाई पराजित गर्न चाहन्छ । तर, श्रीलंकाविरुद्ध पाकिस्तान सजग बनेर खेल्नेछ ।
दुई टोलीबीचको पछिल्ला नतिजा पाकिस्तानको पक्षमा रहेको छ । पछिल्लो ५ भेटमा पाकिस्तानले ५ नै जित निकालेको छ ।
