एजेन्सी । साबिकको बिजेता गार्बियन मुगुरुजा विम्बल्डन टेनिसको दोस्रो चरणबाटै बाहिरिएकी छिन् । बिहिबार राति भएको खेलमा बेल्जियमकी एलिसन भान उयटभांकसंग पराजित हुँदै जर्मनीकी मुगुरुजा प्रतियोगिताबाट बाहिरिएकी हुन् ।
सेन्टर कोर्टमा भएको खेलमा तेश्रो बरियताकी मुगुरुजा विना बरियताकी उयटभांकसंग ७-५,६-२ र ६-१ ले पराजित भईन् । पहिलो सेट जितेर पनि मुगुरुजा लगातार दुई सेट गुमाएर प्रतियोगिताबाट बाहिरिएकी हुन् । मुगुरुजा विम्बल्डन टेनिसबाट बाहिरिने आठौं शीर्ष बरियताकी खेलाडी हुन् ।
विम्बल्डन टेनिसको तेस्रो चरणमा शीर्ष आठ भित्र रहेका दुई मात्र खेलाडी पुगेका छन् । शीर्ष बरियताकी सिमोना हालेप र सातौं बरियताकी कारोलिना प्लिस्कोभाले मात्र तेस्रो चरणमा स्थान बनाएका छन् ।
