एजेन्सी । विश्व नम्बर एक स्विस खेलाडी रोजर फेडेरर विम्बल्डन टेनिसको तेस्रो चरणमा प्रवेश गरेका छन् । बुधबार राति भएको दोस्रो चरणमा स्लोभाकियाका लुकास लाकोलाई हराउदै फेडेररले तेस्रो चरणमा स्थान पक्का गरेको हो ।
लण्डनमा भएको खेलमा फेडेररले ३७ औं बरियताका लाकोमाथि ६-४,६-४ र ६-१ को जित निकाले । आठ पटकको विम्बल्डन च्याम्पियन ३६ बर्षीय फेडेररले अब जर्मनीका लेनार्ड स्ट्रुफसंग खेल्ने छन् ।
विम्बल्डन टेनिसको महिलातर्फ पुर्व विश्व नम्बर एक सेरेना विलियम्सले तेस्रो चरणमा स्थान पक्का गरेकी छिन् । ७ पटकको च्याम्पियन सेरेनाले दोस्रो चरणको खेलमा बुल्गेरियाकी भिक्टोरिया तोमोभोलाई ६-१ र ६-४ ले हराईन् ।
महिलातर्फ नै सेरेनाकी दिदि भेनस विलियम्स पनि तेस्रो चरणमा प्रवेश गरेकी छिन् । यस्तै दोस्रो बरियताकी कारोलिन वोज्नियाकी भने दोस्रो चरणबाट बाहिरिएकी छिन् । वोज्नियाकी रुसकी एक्टेरिना माकारोभासंग ६-४,१-६ र ७-५ ले पराजित भईन् ।
