काठमाडौं । नेपालमा पहिलो पटक हुन लागेको व्हिल चियर क्रिकेटको एसिया कप बैशाख दोस्रो साता आयोजना हुने भएको छ ।
नेपाल व्हिल चियर क्रिकेट संघले बिहिबार पत्रकार सम्मेलन गर्दै एसिया कप क्रिकेट बैशाख १८ देखि २१ गतेसम्म संचालन हुने जनाएको छ ।
प्रतियोगिता पुल्चोकस्थित इञ्जिनियरिङ क्याम्पसको मैदान हुने संघका अध्यक्ष छुल्टिम ग्याल्जेन शेर्पाले जानकारी गराए ।
टी-ट्वान्टी फर्म्याटमा हुने एसिया कपमा नेपालसहित भारत, बंगलादेश र पाकिस्तानले प्रतिस्पर्धा गर्ने छन् ।
व्हिल चियर एसिया कप क्रिकेट विश्व मै पहिलो पटक आयोजना हुन लागेको समेत संघका अध्यक्ष शेर्पाले जानकारी गराए ।
