काठमाडौं । नेपालमा पहिलो पटक व्हिल चियर क्रिकेटको एसिया कप आयोजना हुने भएको छ । नेपाल व्हिल चियर क्रिकेट संघले नेपालमा पहिलो पटक एसिया कप क्रिकेट आयोजना गर्ने जनाएको छ ।
संघले बिहिबार पत्रकार सम्मेलन गर्दै नेपालमा अप्रिल अन्तिम साता एसिया कप आयोजना गर्न लागेको जानकारी गराएको छ । प्रतियोगिता किर्तिपुरस्थित टियु क्रिकेट मैदानमा ४ दिन चल्ने संघले जनाएको छ ।
टी-ट्वान्टी फर्म्याटमा हुने व्हिल चियर एसिया कप क्रिकेटमा नेपालसहित भारत, बंगलादेश र पाकिस्तान रहने छन् ।
व्हिल चियर एसिया कप क्रिकेट विश्व मै पहिलो पटक आयोजना हुन लागेको समेत संघका अध्यक्ष छुल्टिम ग्याल्जेन शेर्पाले जानकारी गराए ।
प्रतियोगिताको लागि नेपालले तयारी गरिरहेको समेत अध्यक्ष शेर्पाले जानकारी गराए ।
