काठमाडौं । चौथो लायन्स मल्टिपल फेस्टिभलको अवसरमा राजधानीमा मोटर र्याली आयोजना हुने भएको छ । लायन्स क्लब मल्टिपल डिस्ट्रिक ३२५ ले शनिबार आयोजना हुने फेस्टिभलको दौरान र्यालीको आयोजना गर्ने जनाएको छ ।
ट्राफिक नियम सम्बन्धि जनचेतनाका फैलाउने उदेश्यसहित आयोजना हुने र्यालीमा १५० बढी गाडीको सहभागिता रहने आयोजकले जनाएको छ ।
र्याली त्रिपुरेश्वर दशरथ रंगशालाबाट सुरु भइ टेकु, कालिमाटी, कुलेश्वर, बल्खु, एकान्तकुना, ग्वार्काे, कोटेश्वर, गठ्ठाघर, ठिमी, सल्लाघारी, सुर्यबिनायक, जगाती, च्याम्हासिंह, कमलबिनायक, ब्यासी हुदैं दुधपाटी बीरेन्द्र सैनिक कलेजमा पुगेर समापन हुनेछ ।
यस कार्यक्रममा डिस्ट्रिक ३२५ ए वन, ए टु, बी वन र बी टु का लायन्स सदस्यहरुको सहभागिता रहने छ ।
