स्नुकरमा च्याम्पिन्सिपमा नेपालले प्रतिस्पर्धा गर्ने

काठमाडौं । नेपाली स्नुकर खेलाडीले भारतको कर्साङमा हुने स्नुकर च्याम्पियनसिपमा सहभागिता जनाउने भएको छन् ।

कर्साङमा फेब्रुअरी १७ देखि एक सातासम्म चल्ने प्रतियोगितामा नेपालबाट ५ खेलाडीले प्रतिस्पर्धा गर्ने नेपाल बिलियर्ड, पुल तथा स्नुकर संघका अध्यक्ष समेत रहेका स्नुकरका पूर्व राष्ट्रिय च्याम्पियन सरोजकुमार मुल्मीले जनाएका छन् ।

राजन लामा, सञ्जयकुमार मुल्मी, सोम लामा, रेगन श्रेष्ठ र अमन कार्कीले प्रतियोगितामा भाग लिने छन् । हाल यि पाँचै खेलाडी भारतकै सिलगुढीमा मंगलबारदेखि सुरु स्नुकर च्याम्पियनसिपमा प्रतिस्पर्धा गरिरहेका छन् ।

सिलगुढीको प्रतियोगिता सकिएपछि त्यत्तैबाट खेलाडीहरु कर्साङ जाने कार्यक्रम रहेको संघले जनाएको छ ।