वासिम र शराफुको अर्धशतकमा न्युजिल्यान्डलाई प्रतिस्पर्धात्मक लक्ष्य

काठमाडौं। संयुक्त अरब इमिरेट्स (युएई) ले आईसीसी टी–२० विश्वकपमा न्युजिल्यान्डलाई १७४ रनको प्रतिस्पर्धात्मक लक्ष्य दिएको छ।

टस जितेर पहिले ब्याटिङ रोजेको युएईले अन्तिम ओभरसम्म टिक्दै ६ विकेट गुमाउँदै १६७ रन बनाएको हो।

युएईका कप्तान मोहम्मद वासिमले उत्कृष्ट ब्याटिङ गर्दै अविजित ६६ रन बनाए। ४५ बल खेलेका वासिमले ४ चौका र ३ छक्का प्रहार गरे।

उनलाई अलिशान शराफुले राम्रो साथ दिए। शराफुले ४७ बलमा ५५ रन बनाए, जसमा ५ चौका र २ छक्का समावेश थियो।

सुरुआतमा युएईले छिट्टै विकेट गुमायो। आर्यान्श शर्माले ६ बलमा ८ रन बनाएर आउट भए। त्यसपछि वासिम र शराफुले दोस्रो विकेटका लागि १०७ रनको महत्त्वपूर्ण साझेदारी गर्दै इनिङ्स सम्हाले।

मयंक कुमारले अन्त्यतिर आक्रामक ब्याटिङ गर्दै १३ बलमा २१ रन जोडे। हर्षित कौशिकले भने ६ बलमा मात्र २ रन बनाउन सके। अन्तिममा सोहाइब खान १ रनमा अविजित रहे।

न्युजिल्यान्डका मिचेल स्यान्टनर सबैभन्दा किफायती साबित भए।

उनले ४ ओभरमा २३ रन खर्चेर १ विकेट लिए। जेकब डफी, लकिए फर्गुसन र ग्लेन फिलिप्सले समान १–१ विकेट हात पारे। ग्लेन फिलिप्स भने महँगो सावित भए। उनले २ ओभरमा ३० रन दिए।