साम र फाफ डु प्लेसिसले लगाए सुदूरपश्चिमको अपराजित यात्रामा ब्रेक

काठमाडौं। विराटनगर किंग्स नेपाल प्रिमियर लिग (एनपीएल)को क्वालिफायर १ मा प्रवेश गरेको छ।

शनिबार सम्पन्न पहिलो खेलमा विराटनगरले साबिक उपविजेता सुदूरपश्चिम रोयल्सलाई ६ विकेटले पराजित गरेको हो।

जितका लागि पाएको १४८ रनको लक्ष्य विराटनगरले ११. ओभरमा ४ विकेट गुमाएर भेट्टायो। यो जितसँगै विराटनगरले क्वालिफायर १ मा सुदूरपश्चिमसँगको भेट पक्का गरेको छ।

सुदूरपश्चिम यसअघि नै क्वालिफायर १ मा पुगिसकेको थियो। इलिमिलेटरमा काठमाडौं र लुम्बिनी खेल्नेछन्।

साम हिजलेट र फाफ डु प्लेसिसले अर्धशतकीय इनिङ्स खेले। साम ५१ र फाफ ५० रनमा आउट भए। सुदूरपश्चिमका अविनाश बोहराले २ र हर्मित सिंहले १ विकेट हात पारे ।

त्यसअघि कीर्तिपुरस्थित त्रिवि अन्तर्राष्ट्रिय क्रिकेट मैदानमा टस हारेर पहिला ब्याटिङ गरेको सुदूरपश्चिमले निर्धारित २० ओभरमा ५ विकेटको क्षतिमा १४७ रन बनायो।

आरिफ शेखले सर्वाधिक अविजित ४५ र इशान पाण्डेले ३८ रन जोडे । विराटनगरका कप्तान सन्दीप लामिछानेले ३ र प्रतिश जिसीले २ विकेट हात पारे।