अल–नसारसँग भिड्दै एपीएफ

काठमाडौं। एएफसी महिला च्याम्पियन्स लिगको प्रारम्भिक चरणबाटै बाहिरिएको विभागीय टोली एपीएफले आफ्नो अन्तिम खेलमा आइतबार साउदीको क्लब अल–नसारलाई चुनौती प्रस्तुत गर्दैछ।

समूह ‘बी’ को यो खेल उज्वेकिस्तानको मार्काजिय स्टेडियममा नेपाली समय अनुसार साँझ सवा ६ बजे सुरु हुनेछ।

यसअघिका दुई खेलमा लगातार पराजय बेहोरेको एपीएफ प्रतियोगिताबाट बाहिरिसकेक छ। त्यसैले एपीएफ जितसहित छनोट टुंग्याउने लक्ष्यमा हुनेछ। 

नेपाली राष्ट्रिय टोली नै बोकेकर उज्बेकिस्तान पुगेको एपीएफ पहिलो खेलमा घरेलु टोली नसाफ एफसीसँग ३–० ले पराजित भएको थियो। दोस्रो खेलमा थाइल्यान्डको क्लब कलेज अफ एसियन स्कलरसँग ५–० को फराकिलो हार बेहोर्न बाध्य भएको थियो।