च्याम्पियन्स लिग : पीएसजी र बार्सिलोना एकै पोर्टमा

काठमाडौं। युरोपेली फुटबलका ठूला क्लबदेखि नयाँले पनि यसपटक आफ्नो च्याम्पियन्स लिगको पहिलो चरणमा प्रतिद्वन्द्वी पाउने भएका छन्। ड्रको कार्यक्रम अर्को बिहीबार मोनाकोमा हुनेछ।

समुद्रकिनारको एक कनसर्ट हलमा बेलुकी ६ बजेबाट ड्र सुरु हुनेछ। यसमा हालको च्याम्पियन पेरिस सेन्ट–जर्मेन (पीएसजी) र पहिलोपटक सहभागी बनेको साइप्रसको पाफोस सामेल छन्।

१५ पटकको रेकर्डधारी च्याम्पियन रियल मड्रिड र पहिलोपटक आएका कजाखस्तानको कायरात अल्माटी पनि छन्। यसैगरी इङ्लिस च्याम्पियन लिभरपुल र आर्कटिक सर्कलभित्रबाट आएको नर्वेको बोडो/ग्लिम्ट पनि छन्।

जनवरीमा अल्माटी र बोडोमा हुने खेल प्रतियोगिताको इतिहासमै सबैभन्दा चिसो हुने अनुमान छ। साथै भ्रमण गर्ने टोलीका लागि सबैभन्दा लामो यात्रामध्ये एक हुनेछ।

यस पटक एसी मिलान र म्यानचेस्टर युनाइटेड भने छनोट हुन असफल भएका छन्। यो ३६ टोलीले आठ–आठ फरक प्रतिद्वन्द्वीसँग खेल्ने र एउटै तालिकामा अंक बाँध्ने दोस्रो सिजनको लिग–फेज ढाँचा हो।

टोलीहरूलाई पछिल्ला पाँच सिजनमा युरोपेली प्रतियोगितामा देखाएको प्रदर्शनका आधारमा ४ वटा पोटमा राखिएको छ। हरेक टोलीले प्रत्येक पोटबाट दुई–दुई प्रतिद्वन्द्वी पाउने गरी तालिका बनाइन्छ।

खेलहरू सेप्टेम्बर १६ बाट सुरु भएर जनवरी २८ मा समूह चरण सकिनेछ। अन्तिम तालिकाको शीर्ष ८ टोली सीधा राउन्ड अफ १६ मा पुग्नेछन्। 

त्यसपछि नवौंदेखि २४औं स्थानमा रहेका टोलीहरूले फेब्रुअरीमा प्लेअफ खेल्दै बाँकी आठ स्थानका लागि प्रतिस्पर्धा गर्नेछन्। अन्तिम १२ टोली भने प्रतियोगिताबाट बाहिरिनेछन्।

ड्र पोट
पोट १:
पेरिस सेन्ट–जर्मेन (फ्रान्स), रियल मड्रिड (स्पेन), म्यानचेस्टर सिटी (इङ्ल्यान्ड), बायर्न म्युनिख (जर्मनी), लिभरपुल (इङ्ल्यान्ड), इन्टर मिलान (इटाली), चेल्सी (इङ्ल्यान्ड), बोरुसिया डर्टमन्ड (जर्मनी), बार्सिलोना (स्पेन)।

पोट २:
आर्सनल (इङ्ल्यान्ड), बायर लेभरकुजेन (जर्मनी), एट्लेटिको मड्रिड (स्पेन), बेनफिका (पोर्चुगल), एटालान्टा (इटाली), भिल्लारियल (स्पेन), युभेन्ट्स (इटाली), आइन्ट्राख्ट फ्रान्कफर्ट (जर्मनी), क्लब ब्रुग (बेल्जियम)।

पोट ३:
टोटेनह्याम (इङ्ल्यान्ड), पीएसभी आइन्धोभेन (नेदरल्यान्ड्स), आयाक्स (नेदरल्यान्ड्स), नापोली (इटाली), स्पोर्टिङ लिस्बन (पोर्चुगल), ओलिम्पियाकस (ग्रीस), स्लाभिया प्राग (चेक गणतन्त्र), बोडो/ग्लिम्ट (नर्वे), मार्से (फ्रान्स)।

पोट ४:
कोपेनहेगन (डेनमार्क), मोनाको (फ्रान्स), गालातासाराय (टर्की), युनियन सेन्ट–गिल्लोइस (बेल्जियम), काराबाख (अजरबैजान), एथलेटिक बिल्बाओ (स्पेन), न्यूक्यासल (इङ्ल्यान्ड), पाफोस (साइप्रस), कायरात अल्माटी (कजाखस्तान)।