समीक्षा, सेनु, सुक्रिया र अनिशा संकटामा

काठमाडौं। नेपाली यु–२० महिला टोलीका थप चार खेलाडीलाई संकटा फुटबल क्लबले अनुबन्ध गरेको छ। 

एन्फा महिला लिग छनोट प्रतियोगितालाई लक्षित गर्दै अनिशा राई, सेनु परियार, सुक्रिया मियाँ र समिक्षा मगरलाई अनुबन्ध गरेको हो।

फरवार्ड समीक्षा मगरले साफ महिला यु–२० च्याम्पियनसिपमा नेपाललाई उपविजेता बनाउन ३ गोल गरेकी थिइन्। अर्की फरवार्ड सेनु परियारले २ गोल गरिन्। सुक्रियाले मिडफिल्ड र अनिशाले डिफेन्स सम्हालेकी थिइन्।

संकटाले यसअघि नै यु–२० टोलीकी शीर्ष स्कोरर पूर्णीमा राईलाई अनुबन्ध गरिसकेको छ। उनले साफमा १० गोल गरेकी थिइन्।