इतिहास बनाएको नेपाल

काठमाडौं। सानो स्कोर, तर अपार रोमाञ्चकता। ग्लासगोको आकाशमुनि सोमबार राति नेपाली क्रिकेटको इतिहासमा एक अनौठो अध्याय लेखियो। नेदरल्यान्ड्स र नेपालबीचको खेल तीन सुपर ओभरसम्म पुगेको विश्व क्रिकेटको पहिलो पुरुष टी–२०/लिस्ट ए खेल बन्यो।

नतिजा? जित त अवश्य नै नेदरल्यान्ड्सको पक्षमा रह्यो। तर, नेपालले आफ्नो १००औं टी–२० आई खेल हारेर पनि गर्विलो इतिहास बनायो। अन्तिम ओभरमा नेपाललाई जितका लागि १६ रन चाहिएको थियो। नन्दन यादवले तीव्र गतिका बलर काइल क्लेनलाई ४, २, २, ४ रन प्रहार गर्दै खेललाई पहिलो सुपर ओभरमा पुर्‍याए।

यसपछि बायाँ हाते स्पिनर डेनियल डोरामलाई सुपर ओभरको जिम्मेवारी दिइयो। नेपालका ओपनर कुशल भुर्तेलले दुई छक्का र एक चौका प्रहार गर्दै १९ रन बनाए। डोरामले खेल सुपर ओभरमा पुग्नुअघि ४ ओभरमा मात्र १४ रन खर्चेर ३ विकेट लिएका थिए। यसपछि माइकल लेभिटले पहिलो बलमा छक्का र म्याक्स ओ'डाउडले अन्तिम दुई बलमा छक्का र एक चौका प्रहार गर्दै खेल दोस्रो सुपर ओभरमा पुर्‍याए।

दोस्रो सुपर ओभरमा ललित राजवंशीले पहिलो ३ बलमा २ छक्का दिए। त्यसपछि नेपालले १८ रनको लक्ष्य पाएको थियो। त्यसपछि रोहित पोडलले पहिलो बलमा छक्का र त्यसपछि दीपेन्द्रसिंह ऐरीले चौका प्रहार गरे। अब नेपाललाई जितका लागि अन्तिम बलमा सात रन आवश्यक थियो। ऐरीले क्लेनको ओभरमा काउ कर्नरमा छक्का प्रहार गरे र खेललाई तेस्रो सुपर ओभरमा पुर्‍याए।

अफ स्पिनर ज्याक लियोन–क्याचेटले तेस्रो सुपर ओभर सुरु गरे। पौडेल र यही खेलमा डेब्यू गरेका रूपेश सिंहको विकेट लिए। नेपालले एक रन पनि बनाउन सकेन। त्यसपछि लेभिटले सन्दीप लामिछानेको पहिलो बलमा लामो ओभरमा छक्का प्रहार गर्दै टोलीलाई रोमाञ्चक जित दिलाए।

यसअघि १५२ रनको लक्ष्यको रक्षा गर्दै बायाँ हाते तीव्र बलर बेन फ्लेचरले आफ्नो टी-२० करियरको उत्कृष्ट सुरुआत गरे। उनले लोकेश बामलाई विकेट आउट गरे। क्लेनले अनिल शाहलाई मिड–अनमा क्याच गराए र नेपालले २.१ ओभरमा नौ रन बाएर दुई विकेट गुमायो। तर, त्यसपछि भुर्तेल र पौडेलले नेदरल्यान्ड्सका बलरलाई दबाबम राखे।

नेपालले पाँच ओभरमा दुई विकेट गुमाएर ५२ रन बनाएको थियो। तर, डोरामले भुर्तेललाई ३४ रनमा आउट गरे। ऐरी (३) र किरण ठगुन्ना (१९) आउट भए। नेपालले १५ ओभरमा ९७ रन बनाउँदै ५  विकेट गुमायो। अन्तिम ५ ओभरमा ५६ रन चाहिएको थियो। रुपेशले एक छक्का र एक चौका प्रहार गर्दै नेपाललाई खेलमा फर्काए। पछि पौडेल र करण केसीले खेल टाई गरे।

पहिलो इनिङ्समा नन्दनले बललाई होल्ड गरे। त्यसपछि ओ'डाउडले उनको बलमा लगातार दुई चौका प्रहार गरे। तर, स्पिनको सुरुआत पछि खेलको माहोल परिवर्तन भयो।

राजवंशीले पहिलो बलमै ओ'डाउडको विकेट लिए। लामिछानेले ६ ओभर पछि आएर तुरुन्तै प्रभाव पारे। उनले दोस्रो बलमा लेभिटको विकेट लिए र चौथो बलमा कप्तान स्कट एडवर्ड्सलाई पनि डीप स्क्वायर लेगमा क्याच आउट गराए।

लामिछानेले आफ्नो तेस्रो विकेट लिए, नोआह क्रसलाई आउट गरे। तर, नेदरल्यान्ड्सले १५० रनको आँकडा पार गर्‍यो।