कर्णालीको अन्तिम खेलमा विजयको अलराउन्ड प्रदर्शन

काठमाडौं। विजय बोहराको अलराउन्ड प्रदर्शनसँगै कर्णाली प्रदेशले तेस्रो जित निकाल्दै  यु–२० राष्ट्रिय क्रिकेट प्रतियोगिता सक्काएको छ। 

बिहीबार सम्पन्न खेलमा कर्णालीले गण्डकीमाथि १५८ रनको विशाल जित निकालेको हो। जितसँगै कर्णालीले ६ खेलबाट ६ अंक पुर्‍याएको छ। गण्डकी भने अंकविहीन रहँदै प्रतियोगिताबाट बाहिरिएको छ।

कर्णालीले दिएको २३४ रनको लक्ष्य पछ्याएको गण्डकीले २६.३ ओभरमा ५ रन मात्रै बनाउन सक्यो। गण्डकीका राज परियारले २३ र करण गैरे २१ रन बनाए। अन्यले दोहोरो अंकमा रन बटुल्न सकेनन्।

कर्णालीका विजयले सर्वाधिक ४ विकेट लिए। १० ओभर बलिङ गरेका उनले १ मेडनसहित ३० रन खर्चिए। विपिनप्रसाद शर्मा र एकेन्द्र बूढाको नाममा समान २ विकेट रह्यो।

त्यसअघि पहिला ब्याटिङ थालेको कर्णालीले ३६ ओभरमा सबै विकेट गुमाउँदै २३३ रन बनाएको थियो।

कर्णालीका विजयले अविजित रहँदै सर्वाधिक ८८ रन बनाए। ५८ बल खेलेका उनले ८ चौका र ६ छक्का प्रहार गरे।

नवीन न्यौपाने ५१ र नमनसिंह थापाले ४२ रनको योगदान दिए। गण्डकीका सुशील भुषालले ४, अनिश रावतले ३ र करण गैरेले २ विकेट लिए।