निर्वाचन नभएका ७ खेलको तदर्थ समिति गठन 

काठमाडौं । राष्ट्रिय खेलकुद परिषद्ले निर्वाचन नभएका ७ खेल संघको तदर्थ समिति गठन गरेको छ ।

शुक्रबार सम्पन्न परिषद्को बोर्ड बैठकले निर्वाचन नभएर लामो समयदेखि निष्कृय रहदै आएका ७ खेल संघको तदर्थ समिति गठन गरिएको छ । 

परिषद्ले नेपाल ब्याडमिन्टन संघ, नेपाल भारत्तोलन संघ, नेपाल टेनिस संघ, नेपाल साईक्लिङ संघ, नेपाल ह्यान्ड बल संघ, नेपाल एथलेटिक्स संघ र नेपाल जिन्म्याष्टिक संघको तदर्थ समिति गठन गरेको हो । 

नेपाल एथलेटिक्स संघ र नेपाल जिम्न्याष्टिक संघका निवर्तमान अध्यक्ष रहेका राजिव बिक्रम शाह र धुव्र बहादुर प्रधानलाई संयोजक तोकिएको छ ।

नेपाल ब्याडमिन्टन संघको तदर्थ समितिको संयोजकमा सुभाष श्रेष्ठलाई जिम्मेवारी प्रदान गरिएको छ । नेपाल साइक्लिङ संघमा सुदिप पौडेल, नेपाल टेनिस संघमा मनोहर दाश मुल, नेपाल ह्याण्ड बल संघमा रामकृष्ण केसीलाई संयोजक तोकिएको छ । 

साता वटै संघ निर्वाचन नभएर लामो समयदेखि तदर्थ रुपमा चल्दै आएका थिए । पछिल्लो समय निर्वाचन नभएर तदर्थ रुपमा चल्दै आएका संघका पदाधिकारी आधिकारिक प्रतिनिधि बनेर नेपाल ओलम्पिक कमिटीको निर्वाचनमा सहभागी भएको भन्दै सरकारले कारबाही समेत गर्ने निर्णय गरेको छ ।