अंकितको कप्तानीमा कोशीले पिएम कप खेल्ने

काठमाडौं। अंकित सुवेदीको कप्तानीमा कोशी प्रदेशले पिएम कप एकदिवसीय पुरुष राष्ट्रिय क्रिकेट प्रतियोगिताका लागि अन्तिम टोली घोषणा गरेको छ।

कोशी प्रदेश क्रिकेट संघले बिहीबार १५ सदस्यीय टोली घोषणा गरेको हो।

टोलीमा दीपेश कँडेलसहित सुजन थपलिया, फिर्दोश अन्सारीलगायतका खेलाडी छन्। यसपल्ट नेपाली राष्ट्रिय टोलीका पूर्वलेग स्पिनर राजकुमार प्रधान प्रशिक्षकको भूमिकामा छन्। 

पिएम कप आइतबारबाट सुरु हुँदैछ। कोशीले पहिलो खेल लुम्बिनी प्रदेशसँग सिद्धार्थ क्रिकेट मैदानमा खेल्नेछ।

प्रतियोगितामा सात प्रदेश र तीन विभागीय टोलीसहित १० टोलीले सहभागिता जनाउने छन्। 

कोशी टिम
अंकत सुवेदी, दीपेश कँडेल, सुजन थपलिया, फिर्दोश अन्सारी, आइस भट्टराई, सोनु अन्सारी, चिराग शाह, सकिब हक, श्रवण किस्कू, विपिनकुमार महतो, समीर कार्की, भूपाल लुइँटेल, प्रकाश कार्की, सुमन गहतराज र सन्दीप ढुंगाना