उज्बेकिस्तानका अजमतले झापाबाट एनएसएल खेल्ने

काठमाडौं। नेपाल सुपर लिग (फ्रेन्चाइजी) झापा एफसीले उज्बेकिस्तानका अजमत अब्दुल्लेवलाई भित्र्याएको छ। 

३१ वर्षीय सेन्ट्रल ब्याकलाई झापाले एनएसएलको तेस्रो संस्करणका लागि अनुबन्ध गरेको हो। 

उनले उज्बेकिस्तानको यु–१९, यु–२० र यु–२३ टोलीबाट खेलिसकेका छन्। हाल क्लबविहीन रहेका उनले उज्बेकिस्तान, काजकिस्तान, इन्डोनेसिया, बंगलादेशलगायतमा विभिन्न लिग खेलिसकेका छन्।

लाकेन लिम्बू मार्की रहेको झापाले छिरिङ लामालाई रिटेन गरेको थियो। यस्तै, आशिष गुरुङलाई ‘ए’ क्याटोगोरीबाट भित्र्याएको छ।

अभिनाश स्याङ्तान, दिपेश धिमाल, अन्जल श्रेष्ठ, रोशन पहारी, दिपेन्द्र विक, उज्वल राईलाई ‘बी’ क्याटोगोरीबाट भित्र्याएको छ। मुख्य प्रशिक्षकको जिम्मेवारी भने प्रवेश कटुवालले लिनेछन्।