काठमाडौं। नेपाल क्रिकेट संघ (क्यान) ले पुरुष राष्ट्रिय क्रिकेट टोलीको मुख्य प्रशिक्षकका लागि आवेदन खुलाएको छ।
क्यानले शनिबार सूचना निकाल्दै मुख्य प्रशिक्षकका लागि दर्खास्त आह्वान गरेको हो। क्यानले भारतीय प्रशिक्षक मोन्टी देसाइसँगको सम्झौता नवीकरण नगरेपछि नेपाली टोली मुख्य प्रशिक्षकविहीन छ। देसाइको दुई वर्षे सम्झौता गत महिना सकिएको थियो।
क्यानले इसिबी वा क्रिकेट अस्ट्रेलियाको लेभल ३ वा सो सरहको मान्यता तथा पाँच वर्षको प्रशिक्षण अनुभव भएको व्यक्ति माग गरेको छ।
यस्तै, एसोसियट राष्ट्रको खेल गतिविधिबारे जानकार भएको व्यक्ति हुनुपर्ने उल्लेख छ। आवेदन दिने अन्तिम मिति फेब्रुअरी २८ सम्म तोकिएको छ।
