जीवनरामको लबिङलाई आइओसीले मानेन, सबै पक्षसँग संवाद गर्ने

काठमाडाैं । नेपालको ओलम्पिक निर्वाचनमा देखिएको विवादको विषयमा अन्तर्राष्ट्रिय ओलम्पिक कमिटी (आइओसी)ले सबै पक्षसँग छलफल गर्ने भएको छ ।

अवैधानिक निर्वाचनलाई मान्यता दिन पछिल्लो हप्ता चीनमा आइओसी र ओलम्पिक कमिटी अफ एसिया (ओसिए)का प्रतिनिधिलाई जीवनरामको भेट गरेका थिए ।

तर जीवनरामको लबिङलाई अस्वीकार गर्दै आइओसीले छलफल र संवादबाट विवाद समाधानको बाटो रोजेको हो ।

जीवनराम नेतृत्वको अवैधानिक निर्वाचनलाई नेपाल सरकार, आइओसी र ओसिएले अहिलेसम्म मान्यता दिएका छैनन् ।

अवैधानिक रूपमा नेपाल ओलम्पिक कमिटीको निर्वाचन सम्पन्न भएपछि पर्ख र हेरेका नीति लिँदै आएको आइओसीले सबै पक्षसँग छलफल गर्ने भएको छ ।

आइओसीले नेपालका सबै पक्षसँग छलफल गर्ने जिम्मेवारी ओसिएलाई दिएको छ ।

ओलम्पिकमा आबद्ध संघहरूलाई पत्र लेख्दै आइओसीले सबै पक्षसँग छलफल गरेर सबै पक्षलाई स्वीकार हुने गरी समाधान निकाल्ने बताएको हो ।