काठमाडौं। हिमालयन शेर्पा क्लबले एन्फा यु–१६ युथ लिगमा त्रिभुवन आर्मी क्लबलाई पराजित गरेको छ।
सातदोबाटोस्थित एन्फा कम्प्लेक्समा सोमबार सम्पन्न खेलमा हिमालयन शेर्पाले आर्मीलाई ३–० ले पराजित गरेको हो। हिमालयन शेर्पाको एक पक्षीय जितमा सुजन स्याङ्तान, समीर तामाङ र पल्लभ लामाले गोल गरे।
खेलको छैटौं मिनेटमै हिमालयन शेर्पाले गोलको अवसर पाएको थियो। तर, सुजनले त्यसलाई सदूपयोग गर्न सकेनन्। ३२औं मिनेटमा समीरले गोल गर्दै हिमालयन शेर्पालाई सुरुआती अग्रता दिलाए।
पहिलो हाफमा एक गोलले अगाडी रहेको हिमालयन शेर्पाले त्यसपछि पनि विपक्षीमाथि दबाब दिइरह्यो। फलत: सुजनले ५९औं मिनेटमा गोल गर्दै अग्रता दोब्बर बनाए। इन्जुरी समयमा पल्लभले अर्को गोल थप्दै हिमालयन शेर्पालाई ३–० को सानदार जित दिलाए।
