मच्छिन्द्रलाई एपिएफको चुनौती

काठमाडौं। ए डिभिजन लिग च्याम्पियन चर्च ब्वाइज युनाइटेडलाई पराजित गर्दै संकटा फुटबल क्लब सभापति कपको सेमिफाइनल पुगिसकेको छ।

अब संकटालाई प्रतीक्षा छ त आफ्नो विपक्षीको। यस्तोमा संकटाको विपक्षी बन्न शुक्रबार भिड्दै छन्, मच्छिन्द्र फुटबल क्लब र विभागीय टोली एपिएफ।

त्रिपुरेश्वरस्थित दशरथ रंगशालामा हुने यो खेल बेलुका ५:३० बजे हुने आयोजकले जनाएको छ। यी दुईबीचको विजेताले फाइनल प्रवेश गर्न माघ १४ गते संकटासँग खेल्ने छ। पराजित हुने टोली प्रतियोगिताबाटै सिधै बाहिरिनेछ।