काठमाडौं। चर्च ब्वाइज युनाइटेडले एन्फा यु–१६ युथ लिगमा शुक्रबार हिमालयन शेर्पा क्लबलाई पराजित गरेको छ। सातदोबाटोस्थित एन्फा कम्प्लेक्सको मैदानमा शुक्रबार सम्पन्न खेलमा चर्च ब्वाइजले हिमलायन शेर्पालाई ४–१ ले हराएको हो।
जितसँगै चर्च ब्वाइजले पाँच खेलबाट १२ अंक जोडेको छ। पराजित हिमालयन शेर्पाको समान खेलबाट एक अंक छ । चर्च ब्वाइजलाई जित दिलाउन आशिक स्याङतानले दुई र सुशन थापामगरले एक गोल गरे । एक गोल आत्मघाती उपहार स्वरुप प्राप्त भयो । हिमालयन शेर्पाका लागि शिव नेपालीले गोल गरे ।
१०औं मिनेटमा प्रदीप खत्रीबाट आत्मघाती गोल हुँदा चर्च ब्वाइजले सुरुआती अग्रता लियो । ३०औं मिनेटमा सुशनले टोलीको अग्रता दोब्बर बनाए ।
४९औं मिनेटमा आशिकले गोल गर्दा चर्च ब्वाइज ३–० ले अगाडि बढ्यो । पाँच मिनेटपछि शिवले हिमालयन शेर्पाका लागि गोल फर्काए । इन्जुरी समयमा आशिकले व्यक्तिगत दोस्रो गोल गर्दै चर्च ब्वाइजलाई ४–१ को सहज जित दिलाए ।
-1737115819.jpeg)
