काठमाडौं। दोस्रो संस्करणको मझुवागढी कालिका भगवती कप खुल्ला अन्तरवडास्तरीय फुटबल प्रतियोगिताको खेल तालिका सार्वजनिक भएको छ।
नमुना स्पोट्स क्लबको आयोजनामा पुस २० गतेबाट सुरु हुने प्रतियोगिताको उद्घाटन खेलमा केपिलासगढी वडा नम्बर ४ र सोल्मा वडा नम्बर २ भिड्ने भएका छन्। पहिलो दिन एक खेल मात्रै हुने आयोजकले जनाएको छ।
यस्तै, दोस्रो दिन २१ गते हुने दिनको पहिलो खेलमा दिक्तेल वडा नम्बर १ ले बामराङ टिमलाई चुनौती पेस गर्नेछ। दोस्रो खेल साँगुरीगढी ८ ले लफ्याङ्ग ५ सँग खेल्ने छ। अर्को खेलमा नेर्पा ६ र रतनछा २ भिड्ने छन्।
सहभागी १० टिमलाई दुईवाट पोलमा विभाजन गरिएको छ। जसमा केपिलासगढी ४, सोल्मा, साँगुरीगढी ८, लफ्याङ्ग ५, सवाकाटारे ३, नेर्पा ६, रतनछा २, दिक्तेल १, बमराङ्ग ३ र नुनथला १३ को सहभागिता छ।
आगामी पुस २४ गतेसम्म सञ्चालन हुने प्रतियोगिताका सबै खेल रञ्जितमान खेल मैदान दिक्तेल रुपाकोट मझुवागढी नगरपालिका लफ्याङ्ग पाँच खोटाङमा हुनेछ। प्रतियोगिताको विजेताले एक लाख ५१ हजार १११, उपविजेताले एक लाख एक हजार १११ रुपैयाँ पाउने छन्। सेमिफाइनलमा पुग्ने चारमध्ये पराजित दुई टोलीले समान ३५ हजार ५५५ पाउने आयोजकले जनाएको छ।
-1735954892.webp)
