काठमाडौं। पुनरागमन जित निकाल्दै चर्च बोइज युनाइटेड क्लबले एन्फा यु–१६ युथ लिग फुटबल प्रतियोगितामा विजयी सुरुआत गरेको छ।
सातदोबाटोस्थित एन्फा कम्प्लेक्सको मैदानमा शुक्रबार भएको खेलमा चर्च बोइजले संकटा फुटबल क्लबलाई २–१ ले पराजित गरेको हो। चर्च बोइजका लागि सनिल मगर र सुगम रानाले समान एक–एक गोल गरे। त्यस्तै, संकटाका पेम्बा तामाङले गोल फर्काए।
१५औं मिनेटमा पेम्बाको पेनाल्टीमार्फत संकटाले सुरुआती अग्रता बनाए पनि जोगाउन सकेन। ३०औं मिनेटमा चर्च बोइजका सनिलले फ्री किकमार्फत गोल गर्दै खेललाई बराबरीमा ल्याए। त्यसपछि ८४औं सुगमले गोल गर्दै चर्च बोइजलाई २–१ को जित दिलाए।
