काठमाडौं। इङ्लिस प्रिमियर लिगअन्तर्गत बिहीबार राति भएको खेलमा लिभरपुलले लेस्टर सिटीलाई ३–१ ले पराजित गर्दै शीर्ष स्थानमा सात अंकको अग्रता बनाएको छ।
खेलको छैटौं मिनेटमा जोर्डन अयुले गोल गर्दै लेस्टरलाई अग्रता दिलाएका थिए। तर, कोडी गाक्पोले पहिलो हाफको इन्जुरी समयमा गोल गर्दै बराबरी ल्याए।
लिभरपुलका प्रशिक्षक अर्ने स्लटले भने, ‘हामीले राम्रो सुरुआत गरेका थियौं, तर पछि हामीले स्थिति सही रूपमा व्यवस्थापन गर्न सकेनौं। जसले गोलको अवसर दिएको थियो। हाफ टाइम भन्दा ठीक अघि यो गोलले हामीलाई खेलमा फर्कायो।’
दोस्रो हाफको सुरुआतमा कर्टिस जोन्सको गोलमा लिभरपुलले अग्रता लियो। ६७औं मिनेटमा गाक्पोले गोल गरेका थिए। तर, भिएआर चेक पछि अफसाइडको कारणले गोलले मान्यता पाएन। मोहम्मद सलाहले ८२औं मिनेटमा गोल गर्दै लिभरपुललाई ३–१ को जित सुनिश्चित गरे।
यो जितसँगै लिभरपुलले १३ खेलमा ४२ अंक पुर्याएको छ र शीर्ष स्थानमा सात अंकको अग्रता बनाएको छ। दोस्रो स्थानमा चेल्सीको ३५ अंक र तेस्रो स्थानमा नटिङ्घम फरेस्टसँग ३४ अंक छ।
-1735306900.JPG)
