पेनाल्टीमा चुके हालान्ड

काठमाडौं। इङ्लिस प्रिमियर लिगअन्तर्गत बिहीबार राति भएको खेलमा एभर्टनसँग पटकको डिफेन्डिङ च्याम्पियन म्यानचेस्टर सिटी १–१ को बराबरीमा रोकिएको छ।

सिटीको उपाधिमाथिको पकड थप कमजोर हुँदै गएको छ। लिभरपुलले लेस्टर सिटीसँग खेल्दा च्याम्पियनमाथि आफ्नो अग्रता बढाउने अवसर पाएको थियो। तर,इतिहाद स्टेडियममा ५३औं मिनेटमा एर्लिङ हालान्डले पेनाल्टीमार्फत गोल गर्दै १३ खेलमा घरेलु टोलीलाई दोस्रो जित दिलाउने मौका पाएका थिए।

तर, उनको प्रहार एभर्टनका गोलकिपर जोर्डन पिकफोर्डले रोके। पेप ग्वार्डिओलाको टोलीले पछिल्ला १३ मध्ये नौ खेलमा हार बेहोरेको छ। यो बराबरीसँगै सिटीले अक्टोबरको अन्त्यदेखि लिगमा पाँचौं अंक मात्र जोडेको छ।

१४ औं मिनेटमा बर्नार्डो सिल्भाले रिबाउन्डमा आएको बललाई गोल गर्दै सिटीलाई अग्रता दिलाए। तर, ३६औं मिनेटमा इलिमान एनडियाएले गोल गर्दै एभर्टनलाई खेलमा फर्काए।

बराबरीसँगै सिटी अंक तालिकाको छैटौं स्थानमा  छ भने दुई खेल बढी खेलेको लिभरपुलभन्दा ११ अंकले पछि परेको छ।