भारतविरुद्ध हेडको अर्को शतक

काठमाडौं। आक्रमक ब्याटर ट्रेभिस हेड भारतविरुद्धको तेस्रो टेस्टमा फेरि चम्किएका छन्। भारतविरुद्ध पछिल्ला शृंखला उनले लगातार उत्कृष्ट प्रदर्शन गरिरहेका छन्।

हेडले यसअघि विश्व टेस्ट च्याम्पियनसिपको फाइनलमा शतक प्रहार गर्दै भारतको उपाधि जित्ने सपनामा ठेस पुऱ्याएका थिए। त्यस्तै, २०२३ को एकदिवसीय विश्वकपको फाइनलमा पनि शतक प्रहार गरी भारतलाई स्तब्ध बनाए।

भारतविरुद्धका पछिल्ला सात इनिङ्समा हेडले अपूर्व ब्याटिङ प्रदर्शन गरेका छन्। उनले यी इनिङ्समा ९० (१६३), १६३ (१७४), १८ (२७), ११ (१३), ८९ (१०१) र १४० (१४१) रन बनाए। पछिल्लो टेस्टमा आएको १४० रनको इनिङ्स उनको टेस्ट करिअरको नवौं शतक हो। यो प्रदर्शनसँगै हेडले भारतविरुद्ध टेस्ट क्रिकेटमा एक हजार रन पूरा गरेका छन्, जुन कुनै पनि टिमविरुद्ध उनको सर्वाधिक रन हो।

यस शृंखलाको पहिलो टेस्टमा हेडले अर्धशतक बनाएका थिए भने दोस्रो टेस्टमा उनले शानदार शतक प्रहार गरे। तेस्रो टेस्टमा पनि उनले अर्को शतक प्रहार गर्दै आफ्नो उत्कृष्ट लयलाई निरन्तरता दिएका छन्।

गाबामा पछिल्ला तीन इनिङ्सपछि हेडले पहिलोपटक सिधा शतक बनाएर आफ्नो क्षमता पुनः प्रमाणित गरेका छन्।