काठमाडौं। एसियाकै प्रतिष्ठित महिला प्रतियोगिता एएफसी एसियन कप २०२६ को छनोट जुनदेखि सुरु हुने भएको छ।
एएफसी महिला फुटबल कमिटीको तेस्रो बैठकले छनोट प्रतियोगिता जुन २३ देखि जुलाई ५ सम्म आयोजना गर्ने तय गरेको हो। एएफसीका अनुसार छनोटका खेलहरू अन्तर्राष्ट्रिय विन्डोमा हुनेछ।
एएफसी महिला एसियन कप सन् २०२६ को मार्च १ देखि २१ सम्म अस्ट्रेलियाका सिड्नी, पर्थ र गोल्ड कोस्टमा आयोजना हुने तय छ। अस्ट्रेलिया र न्युजिल्यान्डले सन् २०२३ को फिफा महिला विश्वकप सयुक्त रूपमा आयोजना गरेका थिए।
स्पेन र इङ्ल्यान्डबीचको फाइनलसहित प्रतियोगिताको उद्घाटन र तीन नकआउट खेल अस्ट्रेलियामा भएका थिए।
