नेसन्स लिगको क्वाटरफाइनलमा नेदरल्यान्ड्स

काठमाडौं। पहिलो हाफमा दुई पेनाल्टी र दोस्रो हाफमा दुई गोल गरेपछि नेदरल्यान्ड्सले हंगेरीमाथि ४–० को जित निकाल्दै मार्चमा हुने नेसन्स लिगको क्वाटरफाइनलमा स्थान पक्का गरेको छ।

वाट वेगहर्स्ट र कोडी गाक्पोले गोल गरे भने डेन्जेल डम्फ्रीज र टेउन कुप्मेनर्सले थप दुई गोल गरे। हंगेरीका सहायक प्रशिक्षक एडम स्जा बिसन्चो भएपछि योहान क्रुफ स्टेडियममा भएको खेल सात मिनेटपछि रोकिएको थियो।

उनको उपचारको क्रममा खेल रोकिएको हो। मैदानमा खेलाडीहरूबीच छलफल पछि मात्र हंगेरीको टोली खेल्न सहमत भयो। २१औं मिनेटमा डोनेल मालेनलाई जोसोल्ट नागीले लडाएपछि वेगहर्स्टले गोल गर्दै नेदरल्यान्ड्सलाई अग्रता दिलाएका थिए।  

पहिलो हाफको इन्जुरी समयमा भिएआर जाँचमा डिफेन्डर तमस निकित्स्चरले अन्तिम एक्सनमा गाक्पोको क्रस क्लियर गर्न खोज्दा बललाई ह्याण्डल गरेको पाइएपछि हंगेरीले अर्को पेनाल्टीको सामना गर्नुपर्‍यो। यस पटक गाक्पोले किक लिए र वेगहर्स्टले जस्तै गोल गरे।

हंगेरीका गोलकिपरले पहिलो हाफमा उत्कृष्ट प्रदर्शन गर्दै स्कोर २–० मा रोके। तर, ६४ औं मिनेटमा डम्फ्रिजले प्रहार गरेको बललाई उनले केही गर्न सकेनन्। युरो २०२४ अघि ग्रोइनमा चोट लागेपछि पहिलो पटक पुनरागमन गरेका कोप्मेइनर्सले ८५ औं मिनेटमा उत्कृष्ट हेडरमार्फत अर्को गोल गर्दै नेदरल्यान्ड्सलाई सहज जित दिलाए।